Botar(te) en falta

Na radio comeza a soar esa canción, recoñézoa de contado, teñoa escoitado milleiros de veces. Pola miña mente pasan todas esas noites nas que me quedei durmida escoitandoa e erguíame cos cascos aínda postos, esas tardes grises nas que quedaba pechada na casa coa música a todo volume, as longas viaxes en coche amenizadas sempre por John Lennon, todos os "Stand by me" que escribín no bafo dos cristais, pasan centos de paseos, de promesas, de choros, de risas. Recordo o día no que esa canción pasou a ser a nosa canción.